Starr

以下係Starr單次旅遊保險嘅亮點同計劃。喺「計算保費」揀人數、地區或者日數，計劃會由平到貴排。

Starr有咩亮點？

• 返港90日內覆診有得賠，中醫跌打都計：全部計劃適用。喺外地睇過醫生，返港後90日內就同一傷病覆診，最多尊貴750,000、非凡500,000、標準250,000；中醫、跌打、針灸、物理治療(要醫生轉介)每日最多200，合共最多尊貴2,400、非凡1,800、標準1,200。
• 緊急運送同遺體運返，冇上限：全部計劃適用。喺外地嚴重受傷或者病重要緊急撤離，Starr全球緊急支援會安排有醫護陪同送去最近合適嘅醫院，病情穩定後再送返香港繼續治療；運返遺體或骨灰返港同樣唔設上限。
• 手提電腦另設8,000上限：非凡計劃同尊貴計劃適用。一般物品每件最多2,000；手提電腦連配件遺失或損毀，最多賠8,000。
• 喺外地住院，每日300至500現金津貼：全部計劃適用。因受傷或者患病喺外地住院，每日尊貴500、非凡400、標準300；每程最多尊貴5,000、非凡4,000、標準3,000。

計劃同保費

投保條件一覽

	單次旅遊	全年旅遊
可選計劃	標準、非凡、尊貴
承保年齡	不設年齡限制	投保時最高70歲，不設最低年齡
投保人	個人投保人須年滿18歲
兒童獨立投保	可。18歲以下子女單獨旅遊，家長或監護人可為其投保
每程最長日數	180天 旅程因受保人控制以外的原因無可避免延誤，保障免費延長，最多7天	90天
出發地	須由香港出發並返回香港
投保時間	保障由香港離境過關起計。 外遊警示(非凡、尊貴計劃)：保單須在警示發出前至少1天簽發；簽發時已有警示，要升級才適用	保障由香港離境過關起計。 外遊警示(非凡、尊貴計劃)：交通或住宿費須在警示發出至少1天前付清；付款時已有警示，要升級才適用
目的地	全球保障
旅遊目的	休閒及商務旅遊受保。 商務旅遊只限從事專業、管理、文職或行政工作
家庭計劃上限	家庭計劃包括一對合法夫婦及其18歲以下子女。 保額按每名受保人計，不設家庭合計上限
退保	保單不能取消。 保障生效後不退保費	須提前30天書面通知。 受保6個月或以內退回30%保費，但保險公司收取的保費不少於其最低保費。 超過6個月或曾索償都不退

投保前要知嘅事

Starr 旅遊保險幾多歲可以買？

單次：受保人冇年齡限制。全年：受保人最大70歲。兩款嘅投保人都要有18歲。

細路可唔可以自己買 Starr 旅遊保險？

細路唔可以自己做投保人，要由18歲或以上嘅人(例如家長或監護人)幫佢買；細路冇大人跟住、自己去旅行都保到。

Starr 單次旅遊保險最長保幾多日？

最長保180日。

Starr 全年旅遊保險每次旅程最長幾多日？

每次旅程最長90日。

Starr 家庭計劃包邊啲人？

家庭計劃包一對夫婦，同埋佢哋18歲以下嘅子女。