Chubb 安達

以下係Chubb 安達單次旅遊保險嘅亮點同計劃。喺「計算保費」揀人數、地區或者日數，計劃會由平到貴排。

Chubb 安達有咩亮點？

• 醫療費用上限唔會因年齡而減：全部計劃適用。長者同小朋友嘅醫療費用上限同其他人一樣，至尊基本同至尊綜合最多1,000,000，尊尚綜合最多300,000。
• 返港90日內覆診，輪椅拐杖等用品都賠：全部計劃適用。喺外地睇咗醫生，返港後仍要跟進同一個傷病，醫生證明需要嘅輪椅、拐杖、頸托等用品，至尊基本同至尊綜合最多20,000，尊尚綜合最多10,000。
• 提早返港：目的地罷工、暴亂、疫症、地震都計：至尊綜合同尊尚綜合適用。目的地突然出現呢啲情況令你冇辦法繼續行程，要直接返港，賠償按冇用到、額外支出或者作廢嘅交通住宿費用三者之中最高嗰項計，至尊綜合最多50,000、尊尚綜合20,000。

計劃同保費

投保條件一覽

	單次旅遊	全年旅遊
可選計劃	至尊綜合、尊尚綜合、至尊基本
承保年齡	「只有我」18至75歲 「多人同行」0至75歲 均以出發日年齡計	子女：生效日須滿90日至18歲以下 投保人及配偶：18歲或以上
投保人	須年滿18歲	須年滿18歲，受保期間持有效香港身份證
兒童獨立投保	不可。0至17歲須選「多人同行」或家庭計劃，與成人同一保單受保	不可，只能以投保人子女身份受保 子女須未婚、居港並由投保人供養 每程須有最少一名成年受保人或同行伙伴同行
每程最長日數	180天(包括出發當日)	一年內不限次數 來回每程最長90天，單程每程最長30天(均包括出發當日)
出發地	須由香港出發	須由香港出發，來回或單程旅程都可以
投保時間	綜合計劃的取消旅程保障由購買日起生效 因外遊警示取消，警示須在購買保單最少1天後發出	綜合計劃的取消旅程保障由保單生效日起生效 因外遊警示取消，警示須在生效日最少1天後發出
目的地	全球保障 與古巴有關的損失或費用不保
旅遊目的	只限消閒或公幹旅程，公幹只限行政、文職等非體力工作 體力勞動、非文職或危險工作不保
家庭計劃上限	個人意外：同一家庭多名受保人涉及同一次意外，全家合計以家庭成員中最高保額的300%為限 其他保障不設家庭合計上限
退保	保單發出後不退保費	受保期間未有索償，可隨時書面通知取消 保險公司按已受保時間收取全年保費40%至100%(超過6個月收足100%)

投保前要知嘅事

Chubb 安達 全年旅遊保險最細幾多歲可以買？

投保人最細要18歲；子女最細要出世90日。

細路可唔可以自己買 Chubb 安達 全年旅遊保險？

唔得。子女要同投保人同一份保單；旅程中冇最少一位成年受保人或同行旅伴陪住，子女就冇保障。

Chubb 安達 單次旅遊保險最長保幾多日？

由離港嗰日計起，最長保180日。

Chubb 安達 全年旅遊保險每次旅程最長幾多日？

一年去幾多次都得。有返香港嘅來回旅程，每次最長90日；去咗唔返香港嘅單程旅程，最長30日；都由離港嗰日計起。

Chubb 安達 全年家庭計劃包邊啲人？

投保人、配偶同18歲以下子女，配偶可以唔一齊保；子女要未婚、住喺香港，主要靠投保人養。