BlueCross 藍十字

以下係BlueCross 藍十字單次旅遊保險嘅亮點同計劃。喺「計算保費」揀人數、地區或者日數，計劃會由平到貴排。

BlueCross 藍十字有咩亮點？

• 出發前7日內目的地天氣惡劣或有天災，取消行程有得賠：全部計劃適用。投保之後，目的地遇上惡劣天氣、天災等原因令你冇辦法出發，退唔返嘅機票、酒店、旅行團同外地演唱會門票都賠，智選最多15,000、尊尚50,000、郵輪80,000。
• 子女面試、考試改期撞正旅程，取消都有得賠：全部計劃適用。18歲以下受保子女嘅學校面試或考評局考試喺投保後改到旅程期間，又要親身出席，子女取消行程有得賠，要親身陪同出席嘅受保父母都一樣，智選最多15,000、尊尚50,000、郵輪80,000。
• 超額訂票上唔到機，外地食宿可以索償：全部計劃適用。已確認嘅機位或船位因為超額訂票上唔到，交通公司或者其他途徑冇安排又冇補貼嘅外地住宿同膳食，智選最多2,500、尊尚10,000、郵輪10,000。
• 郵輪岸上觀光去唔成，訂金團費最多賠10,000：郵輪計劃適用。中途停靠港口、由持牌機構安排嘅岸上觀光，如果因為你或同行人士受重傷、病重，或者觀光目的地天氣惡劣、有天災而要取消，已付又退唔返嘅訂金同團費都賠。

計劃同保費

投保條件一覽

	單次旅遊	全年旅遊
可選計劃	尊尚、智選、郵輪
承保年齡	6星期或以上，不設年齡上限	6星期至75歲可以投保 年齡按受保期首日計
投保人	須年滿18歲
兒童獨立投保	可以。18歲以下須得父母或監護人同意 不設陪同要求，保費表不按年齡分級
每程最長日數	180天	一年內不限次數，每程最長90天
出發地	須由香港出發	須由香港出發 經保險公司書面同意，可由其他地方出發
投保時間	旅程須在受保期開始後於香港辦妥離境手續 因外遊警示出發前取消，警示須在保險證明書發出24小時後才發出	每程須在受保期開始後辦妥離境手續 因外遊警示出發前取消，警示須在保單發出或確認行程(以較遲者為準)24小時後才發出
目的地	全球，保費不分地區 前往保險公司官網「不承保國家及地區名單」所列地方，不獲賠償
旅遊目的	只限完全為消閒或公幹的旅程，公幹只限行政及文職工作 移民旅程不保
家庭計劃上限	不設家庭合計上限 保額按每名受保人每次旅程計
退保	保單一經發出不可取消，保費不獲退還	須提前7天書面通知 受保期內未有索償，按短期費率退回部分保費 已生效超過7個月，要付足全年保費

投保前要知嘅事

BlueCross 藍十字 旅遊保險幾多歲可以買？

單次：出世6星期或以上就可以，冇年齡上限。全年：出世6星期至最大75歲。

細路可唔可以自己買 BlueCross 藍十字 旅遊保險？

唔得，細路唔可以自己做投保人，投保人要有18歲。不過18歲以下可以單獨做受保人，只要有家長或監護人同意。

BlueCross 藍十字 單次旅遊保險最長保幾多日？

最長保180日。

BlueCross 藍十字 全年旅遊保險每次旅程最長幾多日？

一年去幾多次都得，每次旅程最長90日；唔使揀地區。

BlueCross 藍十字 有咩全年旅遊保險計劃？

全年可以揀尊尚計劃、智選計劃或者郵輪計劃。

BlueCross 藍十字 家庭計劃包邊啲人？

單次同全年都係投保人、配偶或同居伴侶，加埋18歲以下未婚子女；配偶或同居伴侶可以唔一齊保。